ಕಾದಿರುವೆ!

ಹಾಡಿನ ಪದದಲಿ ಮೂಡಿದೆ ಒಲವು
ಇಣುಕಿದೆ ಮನದಲಿ ತಿಳಿಯದೆ ಛಲವು

ಬರಲೇ ಎಂದೆ ಧೈರ್ಯದಿ ನಾನು
ಬೇಡ ಎನುತ ಸರಿದಳು ಬಾನು

ಹಾಡು ನಿಂತಿತು, ಸ್ಫೂರ್ತಿ ಇಂಗಿತು
ಆದರು ಮನ ಕರಗಲಿಲ್ಲವೇ ಚೆಲುವೆ ?

ಹಗಲಿರುಳು ನಿನದೆ ಚಿಂತೆ
ನಿನಗಾಗಿ ಕಾಯುವ ಕೆಲಸವಾಗಿದೆ ನನಗೆ

ಮಳೆ ಹನಿಯ ಅರಿವಿಲ್ಲ
ಸುಡುಬಿಸಿಲ ಪರಿವಿಲ್ಲ

ಹಸಿರು ಮರದ ಮೇಲೊಂದು ಚಿನ್ನದ ಗರಿ ಕಂಡ ಹಾಗೆ
ನೀ ನಿಂತೆ ನನ್ನ ಎದೆಯ ಬಾಗಿಲ ಮೇಲೆ

ಕಾರ್ಮೋಡ ಸುರಿದು ನೀರಾದ ಹಾಗೆ
ಇಂಪಿನ ಕಂಪನು ಸೂಸಿದ ಹಾಗೆ

ಎಲ್ಲವ ಮರೆತು ನೀ ಬರುವೆಯಾ ?
ಗೆಳತಿ ನೀ ಬಂದು, ಇನಿಯ ಎಂದು ಹಾಡುವೆಯಾ?


Gist: An attempt to describe a man's wait for his loved one through these few lines.
Just a random thought..